SBF - JERUSALEM
Facultas Scientiarum
Biblicarum et Archæologiæ erectio

CONGREGATIO
DE INSTITUTIONE CATHOLICA
(DE SEMINARIIS ATQUE STUDIORUM INSTITUTIS)
Prot. N. 442/89

CONGREGATIO DE INSTITUTIONE CATHOLICA (DE SEMINARIIS ATQUE STUDIORUM INSTITUTIS), attenta postulatione Rev.mi Ministri Generalis Ordinis Fratum Minorum, Pontificii Athenæi Antoniani in Urbe Magni Cancellarii, legitime præsentantis; cum compererit in eodem Pontificio Athenæo omnia necessaria præsto esse ad Facultatem Scientiarum Biblicarum et Archæologiæ canonice erigendam; re undique perpensa ac collatis consiliis cum iis quorum intererat, ad normam art. 61 Constitutionis Apostolicæ Sapientia Christiana, in memorato Pontificio Athenæo

FACULTATEM
SCIENTIARUM BIBLICARUM
ET ARCHÆOLOGIÆ
in civitate Hierosolymitana sitam
(Studium Biblicum Franciscanum)

hoc Decreto canonice erigit erectamque declarat, eidem collata potestate academicum Baccalaureatus Sacræ Theologiæ necnon Licentiæ atque Doctoratus Scientiarum Biblicarum et Archæologiæ gradum iuxta academicam Ecclesiæ legem conferendi; servatis Statutis eiusdem Facultatis; ceteris servatis de iure servandis; contrariis quibuslibet minime obstantibus.

Datum Romæ, ex ædibus eiusdem Congregationis, die IV mensis Septembris, a. D. MMI.

ZENON CARD. GROCHOLEWSKI
Præfectus

+ IOSEPHUS PITTAU, SJ
a Secretis